ગુજરાતમાં હાલ ઠંડીનો ચમકારો વધ્યો છે. જેમાં છેલ્લા 2-3 દિવસથી રાજ્યમાં ઠંડા પવનોએ જોર પકડ્યું છે. ત્યારે હવે અંબાલાલ પટેલ દ્વારા કાતિલ ઠંડીની સાથે વરસાદને લઈને મોટી આગાહી કરવામાં આવી છે. હવામાન નિષ્ણાંત અંબાલાલ પટેલે રાજ્યમાં આગામી દિવોસમાં કમોસમી વરસાદની આગાહી કરી છે.
અંબાલાલનું કહેવું છે કે, 17 ડિસેમ્બરથી મહત્તમ તાપમાનમાં વધારો થશે તેમજ 16 થી 24 ડિસેમ્બર અરબ સાગરમાં સિસ્ટમ બનશે. જેને કારણે રાજ્યમાં કમોમસી વરસાદ વરસી શકે છે. અંબાલાલે વધુમાં જણાવ્યુ હતુ કે, ડિસેમ્બરના અંતમાં ભારે ઠંડી પડશે. 22 થી 31 સુધી કડકડતી ઠંડી પડશે. જાન્યુઆરીમાં કાતિલ ઠંડી પડશે.
અંબાલાલ પટેલે જણાવ્યું હતું કે અરબી સમુદ્રમાં સિસ્ટમ સક્રિય બનતા ગુજરાતમાં માવઠું થવાની શક્યતા રહે છે જેના કારણે ૨૦,૨૧,૨૨ ડીસેમ્બર દરમિયાન હવામાન પલટો આવશે અને અમુક છુટાછવાયા વિસ્તારમાં હળવા મધ્યમ છાપટા પડી શકે છે જેમાં સૌરાષ્ટ્ર અને દક્ષિણ ગુજરાતમાં માવઠાની સંભાવના છે.
સૌરાષ્ટ્રમાં અરબી સમુદ્ર લાગું વિસ્તારમાં સોમનાથ, પોરબંદર, દ્વારકા, રાજકોટ, અમરેલી, જુનાગઢ, ગીર સોમનાથ, ભાવનગર, વલસાડ, નવસારી, ડાંગ, તાપી, સુરત, ભરૂચ જિલ્લામાં માવઠું પડી શકે છે.
