હવામાન વિભાગે ૭ દિવસ ભારે વરસાદની આગાહી કરી છે ગુજરાત ઉપર સાયક્લોનિક સરકયુલેશન સક્રિય બન્યું છે જેના કારણે આજે પણ અતિભારે વરસાદની સંભાવના છે સૌરાષ્ટ્રમાં ૬ જિલ્લામાં રેડ એલર્ટ જાહેર કરાયું છે. આજે ક્યાં ક્યાં વિસ્તારમાં અતિભારે વરસાદની સંભાવના છે તેની માહિતી મેળવવી એ તો…
સૌરાષ્ટ્રમાં મેધ–તાંડવ
સૌરાષ્ટ્રમાં મેધ-તાંડવ જોવા મળશે, જેમાં જુનાગઢ,ગીર સોમનાથ, રાજકોટ, જામનગર, પોરબંદર, અમરેલી અને બોટાદ જિલ્લામાં ધોધમાર વરસાદની સંભાવના છે જ્યારે બાકીના વિસ્તારોમાં ભાવનગર, દ્વારકા, સુરેન્દ્રનગર, મોરબી જિલ્લામાં મધ્યમ ભારે વરસાદની આગાહી કરી છે.
દક્ષિણ મધ્ય અને ઉત્તર ગુજરાતમાં ભારે વરસાદ
દક્ષિણ ગુજરાત અને મધ્ય પૂર્વ ગુજરાતમાં વરસાદી માહોલ યથાવત જોવા મળશે જેમાં વલસાડ, નવસારી, સુરત, ભરૂચ, નમૅદા, દાહોદ, છોટાઉદેપુર, વડોદરા, આણંદ, ખેડા, અમદાવાદ, પંચમહાલ જિલ્લામાં મધ્યમ વરસાદની સંભાવના છે અમુક વિસ્તારોમાં વાવણી લાયક વરસાદ પડી શકે છે સાથે ઉત્તર ગુજરાતમાં સાબરકાંઠા, બનાસકાંઠા, પાટણ, મહેસાણા, અરવલ્લી અને ગાંધીનગર જિલ્લામાં પણ હળવા થી મધ્યમ વરસાદની સંભાવના છે અમુક વિસ્તારોમાં ભારે વરસાદની ચેતવણી આપી છે. કચ્છમાં આજે અમુક વિસ્તારોમાં વરસાદની સંભાવના છે.
જેમ જેમ વરસાદી સિસ્ટમ મજબૂત બનીને આગળ વધશે તેમ વિસ્તારોમાં અને વરસાદની માત્રામાં વધારો થય શકે છે ૨૭ તારીખે રાત્રે પણ સૌરાષ્ટ્રમાં ભારે થી અતિ ભારે વરસાદની આગાહી કરવામાં આવી છે સૌરાષ્ટ્રમાં ૬ જિલ્લામાં ૫ થી ૭ ઈંચ સુધીનો ધોધમાર વરસાદ પડી શકે છે નદીમાં ઘોડાપૂર જેવી સ્થિતિ સર્જાઈ શકે છે. આજથી ગુજરાતમાં સાવૅત્રીક વરસાદની સંભાવના છે જેમાં મોટા ભાગના વિસ્તારોમાં આજે સારા વરસાદની સંભાવના છે.
