રાજ્યમાં ઉત્તરપૂર્વ પૂર્વના પવનો ફૂંકાઈ રહ્યા છે. જેના કારણે આગામી 48 કલાકમાં 2થી 3 ડિગ્રી તાપમાન વધી જશે. પવનની દિશા બદલાતાની સાથે તાપમાનમાં વધારો થઈ રહ્યો છે. જોકે ભારે પવનને કારણે વહેલી સવારે ઠંડીનો અહેસાસ થઈ રહ્યો છે તો બપોર થતાં જ ગરમીનો અહેસાસ થઈ રહ્યો છે. વહેલી સવારથી આજે પવનની ગતિ તેજ જોવા મળી રહી છે. અંબાલાલ પટેલની આગાહી.
અંબાલાલ પટેલે જણાવ્યું હતું કે આગામી દિવસોમાં રાજ્યભરના ધણા વિસ્તારમાં તાપમાન ઊંચું જશે અને ધણાં જિલ્લામાં બપોર નું મહત્તમ તાપમાન ૩૫ ડીગ્રી સેલ્સિયસ નોધાય શકે છે. ઉત્તર મધ્ય પૂર્વ ગુજરાતમાં ૨૬-૩૦ ડીગ્રી સેલ્સિયસ તાપમાન જોવા મળશે તો સૌરાષ્ટ્ર વિસ્તારમાં ૩૦-૩૫ ડીગ્રી તાપમાન જોવા મળશે.
પૂર્વ મધ્ય ગુજરાત, સૌરાષ્ટ્રના ભાગોમાં 15થી 16 કિલોમીટર પ્રતિ કલાકે પવન ફૂંકાવાની શક્યતા રહેશે. દક્ષિણ ગુજરાતના ભાગોમાં 16 કિલોમીટરની ઝડપે પવન ફૂંકાવાની શક્યતા રહેશે. ઉત્તર ગુજરાત મધ્ય ગુજરાતમાં 30 થી 35 કિલોમીટર પ્રતિ કલાકે વિન્ડ ગસ્ટ રહેશે. રાજ્યના કેટલાક વિસ્તારોમાં વિન્ડ ગસ્ટ 35 કિલોમીટર રહેવાની શક્યતા રહેશે. જેના કારણે ધૂળની ડમરીઓ ઉડશે.
૮ અને ૯ ફેબ્રુઆરીના એક વેસ્ટર્ન ડિસ્ટર્બન્સ આવવાની શક્યતા રહેશે. જેના લીધે દેશના ઉત્તરીય પર્વતીય વિસ્તારોમાં હિમવર્ષા થવાની શક્યતા રહેશે. 8 થી 10 ફેબ્રુઆરીના વાદળો આવી શકે. ગુજરાતમાં વાદળછાયું વાતાવરણ રહેશે. લઘુતમ તાપમાન વધી જશે. વેસ્ટર્ન ડિસ્ટર્બન્સ હટી જતા ઠંડી આવવાની શક્યતા રહેશે.
ગુજરાતમાં સામાન્ય રીતે ફેબ્રુઆરી મહિનામાં ઠંડીમાં ઘટાડો થવા લાગે છે. પરંતુ, આ વખતે આ મહિનામાં ઠંડીનો નવો એક રાઉન્ડ શરૂ થઈ ગયો છે. થોડા દિવસની રાહત પછી લોકો ફરી એક વખત સ્વેટર પહેરેલા જોવા મળી રહ્યા છે. ઠંડા પવનો ફુંકાવાને કારણે ઠંડીમાં વધારો થયો છે. રાજ્યના મોટાભાગના જિલ્લાઓમાં તાપમાન ૧૫ ડિગ્રીની આસપાસ પહોંચી ગયું છે. ત્યારે જાણો આજે રાજ્યમાં હવામાન કેવું રહેશે
